<br>

Шицки знаю же  Марс шветови путнїк. А лєм шветовим путнїком ше случую нєзґоди. Тераз ше,  комисионар  з вельким искуствийом страцел на острове дзе єст вельо нагнїваних змагательох.

<br>

Же би го обачели и же би го Комисия спашела зоз острова зоз своїм геликоптером, вон на писку муши нарисовац матрицу димензийох  $N \times M$. До каждого поля тей матрици урисує лєбо число $0$ лєбо число $1$. 

<br>

Заш лєм, то нє так єдноставно. Же би ше оправдало средства за потрошене ґориво за хеликоптер, Марсова матрица муши задоволїц шлїдуюци усовия:

- у шоре $i$ (за $i=1,2,\ldots,N$), сума числох муши буц дзелїва зоз $i$
- у колони $j$ (за $j=1,2,\ldots,M$), сума числох муши буц дзелїва зоз $j$
- кажди шор и кажда колона муша мац голєм по єдну єдинку у себе


<br>

Помогнїце Марсови, так же му повеце чи можлїве же би нарисовал таку матрицу, и кед же можлїве, наведзце му приклад єдней гоч хторей такей матрици. Кед же му нє помогнєце, будзе мушиц читац пригварки нагнїваних змагательох.

## Опис уходу

<br>

У першей линиї стандардного уходу дате єдно природне число $T$ - число тест прикладу.

<br>

У шлїдуюцих $T$ линийох стандардного уходу дати два природни числа $N$ и $M$ - число шорох и колонох матрици у тим тест прикладу.

<br>


## Опис виходу

<br>

За $i$-ти (за $i = 1,2,\ldots, T$) тест приклад:
 - кед же нє постої така як глєдана матрица, виписац $-1$
 - у процивним, виписац **гоч хтору матрицу** хтора задоволює условия задатку.

## Приклад 1

<br>

### Уход

<br>

```
2
1 6
4 4
```

<br>

### Виход

<br>

```
-1
1 1 1 1
1 0 0 1
1 0 1 1
1 1 1 1
```

<br>

### Толкованє 

Може ше указац же нє постої анї єдна матрица димензийох $N= 1, M = 6$, хтора задоволює условия задатку.

<br>
У другим прикладзе, кед  $N = M = 4$,  можеме видзиц же сума числох:

- у першим шоре єднака $4$, цо дзелїве зоз єден
- у другим шоре єднака $2$, цо дзелїве зоз два
- у трецим шоре єднака $3$, цо дзелїве зоз три
- у штвартим шоре єднака $4$, цо дзелїве зоз четири
 

Тиж так, можеме вираховац же сума числох:
- у першей колони єднака зоз  $4$, цо дзелїве зоз єден
- у другей колони єднака зоз $2$, цо дзелїве зоз два
- у трецей колони єднака зоз $3$, цо дзелїве зоз три
- у штвартей колони єднака зоз $4$, цо дзелїве зоз штири
 

З тим зме нашли матрицу хтора задоволює условия.

<br>

## Огранїченя

<br>

 - $1 \leq T \leq 3$
 - $1 \leq N\cdot M \leq 1.000.000$.

<br>

Тест приклади  подзелєни до штирох дисюнктних ґрупох:
 - На тест прикладох хтори вредза $10$ поени, важи же $NM \leq 20$.
 - На тест прикладох хтори вредза $10$ поени, важи же $NM \leq 30$.
 - На тест прикладох хтори вредза $25$ поени, важи же $NM \leq 45$.
 - На тест прикладох хтори вредза $55$ поени,нєт додатни огранїченя.


